Хакеісты мінскага "Дынама" прайгралі "Нафтахіміку" — 1:2

Хакеісты мінскага "Дынама" прайгралі трэці запар матч у чэмпіянаце КХЛ. 

7 верасня яны ў сваёй выязной серыі сустракаліся з ніжнекамскім "Нафтахімікам". "Зубры" прайгралі з лікам 1:2 (0:1, 0:1, 1:0).

У "Нафтахіміка" галы забілі Дамір Шарыфзянаў (на 10-й хвіліне) і Ёонас Няццінен (23). Гол прэстыжу на 52-й хвіліне ў браму гаспадароў забіў Тэему Пулкінен. 

Нагадаем, што раней "Дынама-Мінск" прайграла "Ак Барсу" (0:2) і ніжагародскаму "Тарпеда" (2:3). У Заходняй канферэнцыі КХЛ "зубры" займаюць цяпер апошняе месца, маючы 0 ачкоў пасля трох гульняў.