Гурт Znich выступіць на вяршыні карпацкіх гор разам з Immortal
Падчас буйнога ўкраінскага оўпэн-эйра “Carpathian Alliance Metal Festival”, які пройдзе 25-27 чэрвеня.
Мінскія пэган-металісты Znich выступяць на буйным украінскім оўпэн-эйры, які праходзіць непасрэдна на адной з вяршыняў украінскіх Карпат. Сёлета на гары Высокі Верх, што знаходзіцца вышэй за 1000 метраў над узроўнем мора, выступяць Immortal, Korpiklaani, Manheim, "Тролль Гнёт Ель" ды шмат іншых.
Самыя дарагія квіткі на фэст каштуюць 620 грывен (каля 700 тысяч беларускіх рублёў). Замовіць квіткі можна праз афіцыйны сайт фестывалю.
