Губарэвіч: Мы ўлічвалі дату выбараў 15 лістапада яшчэ з мінулага года

Як паведамляла Еўрарадыё, кіраўніца Цэнтравыбаркаму Лідзія Ярмошына назвала саму верагодную дату прэзідэнцкіх выбараў у Беларусі — 15 лістапада 2015 года. Па яе словах, Аляксандр Лукашэнка папярэдне ўхваліў гэтую дату.

Намеснік кіраўніка руху "За свабоду" Юрась Губарэвіч у каментары Еўрарадыё кажа, што апазіцыйныя структуры разлічвалі менавіта на гэтую дату. Прынамсі, кампанія "Народны рэферэндум" рыхтуецца да гэтага:

Губарэвіч: "На сёння мы вядзем шчыльныя перамовы ўнутры структураў, якія робяць кампанію "Народны рэферэндум". Мы лічым, што варта мець адзінага кандыдата ад усёй апазіцыі. Але калі так не атрымаецца, то прынамсі ад большасці дэмакратычных сілаў, якія зараз гуртуюцца вакол кампаніі "Народны рэферэндум".

Свайго кандыдата "Народны рэферэндум" мяркуе назваць на пачатку вясны, а актыўную кампанію пачаць у другой палове лета. Пакуль жа апазіцыянеры з "Народнага рэферэндуму" працягваюць збор подпісаў пад сваімі патрабаваннямі — колькасць сабраных подпісаў набліжаецца да 100 тысяч. Яны лічаць, што пытанні "Народнага рэферэндуму" могуць стаць асновай выбарнай праграмы апазіцыйнага кандыдата.


 
Фота — racyja.com

Апошнія навіны

Галоўнае

Выбар рэдакцыі