Горад Стаханаў выйшаў з-пад юрысдыкцыі "Луганскай народнай рэспублікі"
Стаханаўскія баевікі аддзяліліся ад "ЛНР" і прыдумалі для сябе новую назву.
Па звестках сайта censor.net.ua, пра гэта было заяўлена на сустрэчы стаханаўскіх баевікоў з мясцовымі прадпрымальнікамі.
Па заяве новых "кіраўнікоў" горада, з гэтага часу Стаханаў не ўваходзіць у склад "Луганскай народнай рэспублікі", а будзе існаваць аўтаномна. Называцца новае фармаванне будзе "Казацтва народнай гвардыі горада Стаханава".
Абвешчана, што фармаваць свой бюджэт "аўтаномны" горад будзе самастойна. Дарэчы, сам Стаханаў працяглы час з'яўляўся датацыйным. Паведамляецца, што на сустрэчы запрошаным прадпрымальнікам прапанавалі "прыняць удзел у фармаванні бюджэту" — заплаціць новым "кіраўнікам" горада па 150-200 грыўняў.
Фота — glavred.info