Гомельскага актывіста Васіля Палякова прызналі палітвязнем

Праваабаронцы прызналі палітвязнем гомельскага актывіста Васіля Палякова, экс-кіраўніка Аб'яднанай грамадзянскай партыі, паведамляе праваабарончы цэнтр "Вясна".

У лістападзе 2023-га Палякоў адбыў 30 сутак адміністрацыйнага арышту. У студзені 2024-га яго зноў затрымалі. З 23 студзеня ён быў ужо тройчы запар асуджаны да 15 сутак адміністрацыйнага арышту. Актывіста вінавацяць у распаўсюдзе "экстрэмісцкіх матэрыялаў" (ч. 1 арт. 19.11 КаАП).

"Практыка асуджэння адразу на некалькі адміністрацыйных арыштаў запар і раней выкарыстоўвалася беларускімі ўладамі ў мэтах палітычна матываванага ціску", — адзначаюць праваабаронцы.

На сёння ў Беларусі праваабаронцы прызналі палітвязнямі 1410 чалавек.