Вы тут

Герой мема пра "памідоры са смятанай" асуджаны яшчэ на 15 сутак арышту

Анатоль Шалковіч / Скрыншот з відэа МУС

Герой мема пра "памідоры са смятанай" Анатоль Шалковіч зноў асуджаны, Новы год ён сустрэне за кратамі. Як стала вядома Еўрарадыё, яму прысудзілі яшчэ 15 сутак адміністрацыйнага арышту. Да гэтага Шалковіч адбыў тры арышты запар па 15 сутак. У зняволенні ён знаходзіцца з 11 лістапада, агулам правядзе там 60 сутак.

Пасля затрымання 65-гадовага інжынера Анатоля Шалковіча з'явілася “пакаяльнае” міліцэйскае відэа з ім. Мужчына прызнаўся ў любові да чырвонага і белага колераў. "Мне заўсёды падабалася спалучэнне белага і чырвонага колераў, — казаў ён. — Я люблю памідоры са смятанай — гэта таксама белае з чырвоным".

Відэа адразу стала вірусным.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.