Герасіменя выступіць у паўфінальным заплыве на 50 метраў вольным стылем
Плыўчыха Аляксандра Герасіменя выступіць у паўфінале спаборніцтваў на дыстанцыі ў 50 метраў вольным стылем у Рыа-дэ-Жанейра. 12 жніўня яна заняла 3-е месца ў кваліфікацыі і ўвайшла ў лік 16 паўфіналістак. Вынік Герасімені — 24,42 секунды.
Яшчэ адна беларуска, Юлія Хітрая, паказала у папярэднім заплыве 27-ы вынік і выбыла з барацьбы.
Паўфінальныя заплывы пройдуць раннім ранкам 13 жніўня па мінскім часе.
Чатыры гады таму на Гульнях у Лондане Герасіменя заваявала сярэбраны медаль на гэтай дыстанцыі. Тады яна паказала вынік 24,28 секунды. Таксама яна мела другое месца на стометроўцы вольным стылем, аднак сёлета не выйшла ў фінал гэтых алімпійскіх спаборніцтваў.
