Генштаб Украіны: мост пад Мелітопалем узарвалі байцы Руху супраціву
Мост пад Мелітопалем узарвалі байцы Руху супраціву Сіл спецыяльных аперацый Узброеных сіл Украіны, паведамляе ўкраінскі Генштаб. Ён быў "важным лагістычным аб'ектам на шляху з акупаванага Крыма да Мелітопаля". Па мосце расіяне рэгулярна перавозілі з паўвострава па чыгунцы тэхніку і боепрыпасы. Адзначаецца, што гэты маршрут "адыгрываў важную ролю для нарошчвання варожных сіл", у тым ліку ў напрамку Марыупаля.
Украінцы вырашылі, што на аднавіць мост расіянам будзе вельмі цяжка, і рашыліся на правядзенне дыверсіі. Яна аказалася паспяховай. Расійскі бок ужо заявіў, што аднаўленчыя працы там пачаліся. Колькі спатрэбіцца часу, невядома.
