Генпракуратура загадала браць пад варту тых, хто павышае цэны
![Генпракуратура Беларусі / sb.by](/sites/default/files/styles/gallery_main/public/2023-08/prakuratura-0710.jpg.webp?itok=WaRMWJLN)
Генпракуратура Беларусі / sb.by
Генпракуратура загадала затрымліваць тых, хто павышае цэны, паведамляе прэс-служба ведамства. "Вінаватых" будуць браць пад варту і пачынаць на іх крымінальныя справы.
Адпаведнае патрабаванне разасланае ў Следчы камітэт, Міністэрства ўнутраных спраў і Дэпартамент фінансавых расследаванняў КДК.
Паведамляецца, што робіцца гэта ў адпаведнасці з дырэктывай Лукашэнкі №10 "Аб недапушчальнасці росту цэн".
Пракуроры ва ўсіх рэгіёнах павінныя сачыць за цэнамі і аналізаваць абгрунтаванасць іх павышэння.
Разам з тым сёння высветлілася, што старшыні аблвыканкамаў і Мінгарвыканкама будуць складаць спісы тых, каго абмежаванне на рост цэн не датычыць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.