Фотафакт: затрыманая чарговая партыя кантрабандных iPhone 5
Іх везлі з Польшчы двое жыхароў Брэста. 24 незадэклараваныя смартфоны яны папросту паклалі ў сумкі.
Як паведамляе прэс-служба Брэсцкай мытні, пасажыраў цягніка "Тэрэспаль-Брэст" спынілі пры выхадзе з залы мытнага афармлення. Пры даглядзе ў іх знайшлі партыю iPhone 5 і забралі да рашэння суда. Паводле папярэдняй ацэнкі, іх кошт склаў каля 200 мільёнаў рублёў.
Акрамя канфіскацыі смартфонаў кантрабандыстам пагражае вялікі штраф.
Фота — brest.customs.gov.by