Фігурант "справы патрыётаў" Міраслаў Лазоўскі знайшоўся (відэа)
Апошняга з затрыманых па "справе патрыётаў" Міраслава Лазоўскага журналісты сустрэлі каля дома. Яго вывезлі з турмы 30 чэрвеня і завезлі ў Следчы камітэт. Адтуль актывіста і выпусцілі, таму каля СІЗА №1 яго ніхто не бачыў.
Лазоўскі адмовіўся распавядаць пра акалічнасці справы, бо знаходзіцца пад падпіскай аб неразгалошванні. Пра сваё затрыманне, калі яго збілі, актывіст паведаміў, што "не паразумеўся" з тымі, хто яго затрымліваў.
Пра тое, што апошнія фігуранты "справы патрыётаў" выйдуць сёння, зранку заявіў старшыня Следчага камітэта Іван Наскевіч.
