Эвакуатар разбурыў плот каля амбасады Латвіі ў Мінску
Эвакуатар часткова разбурыў плот каля амбасады Латвіі ў Мінску, паведаміў у Твітары міністр замежных спраў гэтай краіны Эдгарс Рынкевічс.
"Памяшканне амбасады Латвіі ў Беларусі на гэты момант. Мы чакаем, што ўлады Мінска расследуюць гэты інцыдэнт, забяспечаць ахову і бяспеку амбасады ў поўнай адпаведнасці з міжнародным правам", — пракаментаваў ён.
У амбасадзе цяпер нікога няма, сама яна зачыненая. Усіх латвійскіх дыпламатаў выслалі з Беларусі пасля інцыдэнту са сцягам у Рызе. Падчас чэмпіянату свету па хакеі мэр горада ўзняў замест афіцыйнага чырвона-зялёнага — нацыянальны бел-чырвона-белы, што прывяло да "дыпламатычнай вайны".
Premises of the Latvian Embassy in #Belarus at the moment. We expect authorities in #Minsk to investigate this incident, ensure safety and security of the Embassy in full accordance with the international law pic.twitter.com/7VJGjfVyPv
— Edgars Rinkēvičs (@edgarsrinkevics) June 23, 2021
