Еўра і рубель нязначна падаражэлі, долар у кошце не змяніўся
На біржавых таргах вызначаныя курсы валют на 17 ліпеня.
Долар ЗША ў кошце не змяніўся і зараз каштуе 8840 рублёў. Пры гэтым у абменніках долары ўжо можна прадаць вышэй за гэты курс — па 8900 рублёў — а інтэрнэт-крамы "лічаць" амерыканскую валюту па 9000 — 9100.
Курсы еўра і расійскага рубля нязначна выраслі. Еўра сёння каштуе 11570 беларускіх рублёў, расійскі рубель — 271,5 беларускіх.
Тым часам, эканамісты раяць не панікаваць з рублёвымі ўкладамі. І паспрабаваць выцадзіць апошнюю выгаду з дэпазітаў у нацыянальнай валюце.