ЕС разглядае новыя санкцыі супраць Мінска, каб закрыць шчыліны
![ЕС разглядае новыя санкцыі супраць Мінска, каб закрыць шчыліны](/sites/default/files/styles/gallery_main/public/2023-08/eu-1802.jpg.webp?itok=etmzBqe6)
Еўрапейскі саюз разглядае новыя санкцыі супраць беларускіх уладаў, каб закрыць шчыліны ў існуючых санкцыях. Пра гэта паведамляе Reuters са спасылкай на афіцыйных асоб і дыпламатаў ЕС.
Акрамя таго, афіцыйнаму Мінску пагражаюць санкцыі ў тым разе, калі ён прыме ўдзел у агрэсіі супраць Украіны.
Еўрасаюз забараніў беларускі экспарт калійных угнаенняў і нафтапрадуктаў. Але балтыйскія дыпламаты заявілі, што Беларусь па-ранейшаму экспартуе калій у ЕС праз Украіну, а таксама павялічыла экспарт нафтапрадуктаў у ЕС.
На брыфінгу для СМІ ў пятніцу афіцыйны прадстаўнік ЕС пацвердзіў, што ідзе праца над магчымымі новымі эканамічнымі санкцыямі супраць рэжыму Лукашэнкі, у тым ліку ў дачыненні да калійных угнаенняў.
Чакаецца, што гэтае пытанне будзе абмяркоўвацца на сустрэчы міністраў замежных спраў ЕС у панядзелак, 21 лютага. Ініцыятарамі выступаюць дыпламаты балтыйскіх краін. Рашэнне па Беларусі ў панядзелак прымацца не будзе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.