ЕС асудзіў прызнанне ў Беларусі сайта і сацсетак "Белсата" экстрэмісцкімі
Еўрасаюз асудзіў прызнанне ў Беларусі сайта і сацсетак тэлеканала "Белсат" экстрэмісцкімі. "Гэта яшчэ адна спроба ўціску рэжымам Лукашэнкі свабоды выказванняў і свабоды інфармацыі, спроба прымусіць да маўчання ўсе незалежныя галасы", — напісала ў Twitter прэс-сакратар ЕС па замежных справах і палітыцы бяспекі Набіла Масралі.
Рашэнне аб прызнанні сайта "Белсата" і яго старонак у сацсетках "экстрэмісцкімі" 27 ліпеня прыняў суд Чыгуначнага раёна Гомеля. Падставай сталі "матэрыялы праверкі", праведзенай ўпраўленнем ГУБАЗіК МУС па Гомельскай вобласці.
"Белсат" — польскі тэлеканал, які вяшчае на Беларусь і беспаспяхова дамагаецца акрэдытацыі на працу ў нашай краіне. Як паведамляе БелаПАН, "Белсат" не лічыць законным рашэнне суда, але абскарджваць яго не плануе.
Belarus: EU deplores recent court decision declaring Belsat TV channel “extremist”. Another example of the crackdown on freedom of expression and freedom of information under the Lukashenko regime, aiming to silence all independent voices.
— Nabila Massrali (@NabilaEUspox) July 28, 2021
