Экс-памочніка пракурора Глускага раёна затрымалі па справе "ЧКБ"
![Канстанцін Прытуленка / фота з яго старонкі "Вконтакте"](/sites/default/files/styles/gallery_main/public/2023-08/prakuror-3003.jpg.webp?itok=r5Iwb1pr)
Канстанцін Прытуленка / фота з яго старонкі "Вконтакте"
Экс-памочніка пракурора Глускага раёна Канстанціна Прытуленку затрымалі па справе "Чорнай кнігі Беларусі", піша "Наша Ніва". Нібыта, ён перадаў тэлеграм-каналу звесткі сілавікоў і сфатаграфаваў дом аднаго з іх.
Канстанцін Прытуленка сам родам з Глуска, яму 43 гады. У яго ёсць непаўналетнія дзеці. Дзе ён цяпер працуе — невядома, але яшчэ пару гадоў таму дакладна працаваў у сілавых структурах.
Відэа яго затрымання з'явілася 30 сакавіка. Пазней СК паведаміў, што затрыманаму выстаўлена абвінавачванне па артыкуле "дапамаганне ў распальванні варожасці і варажнечы, здзейсненае групай асоб".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.