Экс-кіраўніка прэзідэнцкага пула Дзмітрыя Семчанку прызналі палітвязнем
![Дзмітрый Семчанка / Tut.by](/sites/default/files/styles/gallery_main/public/2023-08/08_semchenko_20200925_zam_tutby_phsl_1.jpg.webp?itok=rlbqUT5O)
Дзмітрый Семчанка / Tut.by
Праваабаронцы прызналі палітвязнем былога тэлевядоўцу Дзмітрыя Семчанку, які раней кіраваў "прэзідэнцкім пулам" тэлеканала АНТ, паведамляе праваабарончы цэнтр "Вясна".
У жніўні 2020 года Семчанка звольніўся з працы пратэстуючы супраць жорсткіх разгонаў мірных акцый. За гэта яго адправілі на "суткі".
Пасля звальнення Семчанка працаваў у PR-сферы, быў супрацоўнікам кампаніі “Белагра”. 15 верасня 2022 года яго затрымалі разам з жонкай, двойчы асудзілі па адміністрацыйных артыкулах, а потым пачалі крымінальную справу паводле ч. 1 арт. 130 КК (распальванне сацыяльнай варожасці ці варажнечы). Журналісту пагражае да пяці гадоў пазбаўлення волі.
У самой кампаніі "Белагра" пасля затрымання Семчанкі адбыўся ператрус, былі затрыманыя шэраг кіраўнікоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.