Эканаміст: Абмежаванне на экспарт расліннай прадукцыі некрытычнае

На думку Леаніда Злотнікава, страты для адной кампаніі могуць быць заўважныя, але для Беларусі ў цэлым – не.

Леанід Злотнікаў: “Яны, відаць абмяжуюць так, каб завозілі толькі нашае. Яны ж ведаюць аб’емы па мінулых гадах. Мяркую, што гэта некрытычна”.

За два апошнія месяцы Россельгаснагляд налічыў 82 выпадкі ўвозу ў Расію з Беларусі забароненай прадукцыі. З пачатку жніўня Расія забараніла ўвозіць на сваю тэрыторыю прадукты харчавання з краін Еўрасаюза, ЗША, Канады, Нарвегіі і Аўстраліі. Забарона закранула ў тым ліку і садавіну з гароднінай.