Эканамічныя вынікі "года трох дэкрэтаў" з Сяргеем Чалым і Леанідам Фрыдкіным
У 2017 годзе беларуская эканоміка спыніла падзенне і, насуперак скептычным прагнозам, пачала расці. Але за кошт чаго быў дасягнуты гэты рост? Паварота "эканамічнай мадэлі" не атрымалася, рэформы ізноў адкладзеныя на няпэўны трэмін, а дзяржаўная пазыка набывае пагрозлівыя памеры.
Ці дазваляе ўсё гэта занесці 2017 год у актыў беларускім уладам? І ці пачалі беларусы жыць лепш, нягледзячы на прыемныя лічбы афіцыйнай статыстыкі? Пра тры дэкрэты 2017 года, стабільны рубель, недасягальныя $500 і шмат што іншае Еўрарадыё пагаварыла з галоўным рэдактарам "Эканамічнай газеты" Леанідам Фрыдкіным і незалежным аналітыкам Сяргеем Чалым, якія цягам года неаднаразова каментавалі актуальныя падзеі ў студыі Еўрарадыё.
