Двое прыяцеляў кралі ровары па Беларусі і хацелі здаваць іх напракат
![vitebsk.mvd.gov.by](/sites/default/files/styles/gallery_main/public/2023-08/f1676d6f232b0c5511252c78aec46e2e02a88f57.jpg.webp?itok=ZTFvuHGw)
vitebsk.mvd.gov.by
Віцебская міліцыя затрымала мінчука і жыхара Барысава, якія зараблялі крадзяжом ровараў у абласным цэнтры. Толькі ў Віцебску злодзеі скралі мінімум 6 ровараў. Падазраюць, што яны "працавалі" у Рэчыцы, Мазыры, Кобрыне і іншых гарадах.
Як распавяла афіцыйны прадстаўнік УУС Віцебскага аблвыканкама Вольга Шкуратава, адзін з саўдзельнікаў па працы ездзіў па розных гарадах Беларусі і выкрадаў там ровары. Затым на машыне прыяцеля іх прывозілі і складавалі ў Барысаве. Аператыўнікі выявілі дома ў аднаго з злодзеяў 8 байкаў.
Пасля прыяцелі планавалі адкрыць велопрокат і здаваць крадзеныя ровары ў арэнду.