Дождж, мокры снег і да +6 чакаецца 28 студзеня
28 студзеня ў Беларусі чакаецца хмарнае надвор'е, паведамляе Белгідрамет.
Уначы пераважна па паўночна-ўсходняй палове пройдуць кароткачасовыя ападкі — у асноўным мокры снег. Удзень невялікія ападкі ў выглядзе дажджу і мокрага снегу прагназуюцца ў асобных раёнах. Месцамі будзе слабы туман, уначы і зранку — слабы галалёд, на асобных участках дарог — галалёдзіца. Вецер чакаецца паўднёва-заходні, паўднёвы ўмераны, удзень па захадзе — парывісты.
Тэмпература паветра ўначы будзе -4...+1, удзень чакаецца ад нуля да 6 градусаў цяпла.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
