Для арэндадаўцаў кватэр і гаражоў плануюць павысіць падаткі

У Беларусі плануюць павысіць падаткі для тых, хто здае ў арэнду жыллё і гаражы. Змены на 2024 год пазначаны ў праекце зменаў Падатковага кодэкса і датычацца фізічных асоб.

Колькі за здачу пакоя?

За здачу аднаго пакоя ўлады хочуць браць 47 рублёў падатку (пакуль гэта 43,9 рубля). У абласных гарадах плануецца павышэнне з 41,2 рублёў да 44 рублёў.

У 16 гарадах падатак хочуць павысіць з 27 рублёў да 29 рублёў. Такая стаўка для Баранавічаў, Бабруйска, Барысава, Жлобіна, Жодзіна, Ліды, Мазыра, Маладзечна, Наваполацка, Оршы, Пінска, Полацка, Рэчыцы, Светлагорска, Слуцка і Салігорска.

Калі жыллё знаходзіцца ў іншых гарадах абласнога, раённага падпарадкавання і пасёлках гарадскога тыпу, то пакуль падатак складае 19,8 рубля. Павялічыць яго хочуць да 21 рубля. У іншых населеных пунктах павышэнне плануецца з 14,2 рублёў да 15 рублёў.

А калі здаваць гараж?

За здачу жалезабетоннага або цаглянага гаража арэндадаўца ў Менску пакуль плаціць 18,2 рубля падатку. У 2024 годзе за гэта хочуць браць 20 рублёў. У абласных цэнтрах плануецца павелічэнне з 15,6 рублёў да 17 рублёў.

У Менску падатак за здачу аднаго жалезабетоннага або цаглянага гаража маюць намер павысіць у 2024 годзе да 20 рублёў (цяпер — 18,2 рубля), у абласных цэнтрах — да 17 рублёў (цяпер — 15,6 рубля). Для групы 16 гарадоў, якія пазначаны вышэй, у праекце паказана павелічэнне з 10 рублёў да 11 рублёў.

Змены заўважылі журналісты "Зеркала".