Дадон: Я даслаў Лукашэнку кукурузу і віно
Прэзідэнт Малдовы Ігар Дадон правёў прамую лінію ў сацыяльнай сетцы "Аднакласнікі". Падчас яе Дадон распавёў пра адносіны з кіраўнікамі іншых краін.
У прыватнасці, ён паведаміў, што атрымаў ад Аляксандра Лукашэнкі запрашэнне наведаць Мінск. Таксама кіраўнік Малдовы рапавёў, што даслаў беларускаму калегу пасылку — кукурузу і малдаўскае віно.
"Не ведаю, ці ёсць у яго кухары, якія ўмеюць рыхтаваць мамалыгу. Ён сказаў, што малдаване ёсць", — з усмешкай дадаў прэзідэнт Малдовы.
Мамалыга — каша з кукурузнай мукі. Гэта традыцыйная страва Малдовы, Румыніі, Заходняй Украіны.
Відэа можна пабачыць па гэтай спасылцы.
