Ціханоўская пракаментавала крэдыт, які Пуцін паабяцаў Лукашэнку

Ціханоўская пракаментавала крэдыт, які Пуцін паабяцаў Лукашэнку

Святлана Ціханоўская пракаментавала навіны пра тое, што Уладзімір Пуцін паабяцаў Аляксандру Лукашэнку новы крэдыт.

"У мяне многія просяць даць каментар з нагоды крэдыту, які Пуцін мае намер даць Лукашэнку. Я спадзяюся, што Пуцін разумее, што менавіта Лукашэнка, а не наш народ, павінен будзе аддаваць гэты крэдыт. Мой каментар — гэта зварот да грамадзянаў Расіі: "Дарагія расіяне! Вашымі падаткамі будуць аплачаныя нашы пабоі. Мы ўпэўненыя, што вы гэтага не хацелі б". Агонію Лукашэнкі гэта можа падоўжыць, але перамогі народа прадухіліць не зможа", — перадае словы Ціханоўскай Telegram-канал "Пул Першай".

Як распавядала Еўрарадыё, новы крэдыт на 1,5 мільярда долараў Пуцін паабяцаў выдаць Лукашэнку па выніках перамоваў. Яны прайшлі ў Сочы 14 верасня. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі