Ці не час Каардынацыйнай радзе самараспусціцца — дыскусія

Днямі Каардынацыйную раду пакінуў яшчэ адзін дэлегат — Валерый Крычала. Адметна, што яго пазіцыю падтрымала і структура, якая яго дэлегавала на ўдзел у КР. Гэта стала яшчэ адным доказам таго, што не ўсё так добра ў так званым протапарламенце. І што праблема значна глыбейшая, чым падаецца, і можа сведчыць пра атмасферу ва ўсёй дэмакратычнай супольнасці беларусаў замежжа.

Чаму людзі працягваюць адыходзіць з Каардынацыйнай рады і ці трэба з гэтым нешта рабіць? Як манабольшасць і адсутнасць празрыстасці ўплываюць на дзейнасць КР? Ці ёсць чым пахваліцца КР у сваёй дзейнасці? На гэтыя ды іншыя пытанні ў эфіры Еўрарадыё адказваюць віцэ-спікерка Каардынацыйнай рады, лідарка ініцыятывы “Сумленныя людзі” Алена Жываглод, спікер фракцыі “Грамадзянская салідарнасць”, лідар арганізацыі “ЗУБР” Павел Патапаў, дэлегат КР ад суполкі “Беларусы замежжа”, прадстаўнік Народных амбасад Беларусі Міхаіл Таўбэ, экс-дэлегат КР, былы спікер фракцыі дыяспар “Адзінства па-над межамі”, сябра праўлення Асацыяцыі беларусаў у Нідэрландах MARA Валерый Крычала.