Чупрыс нагадала беларускім навукоўцам пра "межы карыстання інтэрнэтам"
!["Дасягненні даюцца толькі ўпартай працай, а не растуць з інтэрнэту"](/sites/default/files/styles/gallery_main/public/2024-04/apple-1853259_1280.jpg.webp?itok=TTM16rPo)
"Дасягненні даюцца толькі ўпартай працай, а не растуць з інтэрнэту" / pixabay.com
Намесніца кіраўніка Адміністрацыі Лукашэнкі Вольга Чупрыс выступіла на міжнародным навукова-практычным круглым стале ў БНТУ, прысвечаным падрыхтоўцы і абароне дысертацый. Са спасылкай на Аляксандра Лукашэнку, яна нагадала пра патрабаванні да навуковых даследаванняў: іх актуальнасць і якасць, а таксама "самастойнасць напісання навуковых прац".
Сёння трэба казаць пра такія рэчы, як межы выкарыстання інтэрнэту, працягвала Вольга Чупрыс. Паводле яе слоў, "інфармацыйныя сеткі прадастаўляюць вялікія магчымасці для азнаямлення з вынікамі прац іншых даследчыкаў", але "будучыя навукоўцы павінны разумець..., што дасягненні даюцца толькі ўпартай працай, а не растуць з інтэрнэту".
Відаць, праблема вельмі актуальная для РБ, калі яе ўзняла намесніца кіраўніка Адміністрацыі Лукашэнкі.
"Неабходна казаць пра адказнае стаўленне навукоўцаў да выніку сваёй дзейнасці, — гаварыла Чупрыс. — Не хацелася б, каб яны былі прафанацыяй ці, яшчэ горш, часткай злачынных схем. Нават адзінкавыя падобныя выпадкі могуць зганьбаваць навуку і сфармаваць недавер да ўсёй навуковай дзейнасці".
Дарэчы, на круглым стале прысутнічалі і сілавікі — генпракурор Андрэй Швед, прадстаўнікі КДБ, МУС.
![Чупрыс нагадала беларускім навукоўцам пра "межы карыстання інтэрнэтам"](/sites/default/files/styles/default_image_paragraph/public/paragraphs/image/000022_1712166489_625611_big.jpg.webp?itok=CI9H21-L)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.