Чарговы эксгібіцыяніст аб'явіўся ў Брэсце
Крымінальную справу за хуліганства пачалі на непрацуючага 41-гадовага жыхара Брэста.
Як паведамляе interfax.by, 10 жніўня каля 21-й мужчына пад Гузнянскім мостам па праспекце Рэспублікі дэманстраваў 30-гадовай непрацуючай жыхарцы Брэста аголеныя геніталіі.
Дарэчы, у апошнія месяцы эксгібіцыяністы праяўляюцца ў Брэсце давоі часта. Так, 1 сакавіка ў міліцыю паступіла заява ад 43-гадовай настаўніцы, якая сутыкнулася з эксгібіцыяністам у парку. Яшчэ раней, 18 лютага, у Брэсце затрымалі 29-гадовага наладчыка аднаго з прадпрыемстваў. Ён, па словах пацярпелай жыхаркі абласнога цэнтра, прадэманстраваў ёй свае палавыя органы паблізу аднаго з дамоў па вуліцы Вулькаўскай.
Фота — newsru.co.il
