Чарговае здарэнне з маршруткай у Беларусі, адзін чалавек загінуў
Мікрааўтобус з людзьмі перакуліўся / t.me/pressmvd/
Чарговае здарэнне з маршруткай адбылося ў Беларусі, на гэты раз у Навагрудскім раёне. У сераду каля 11-й гадзіны на аўтадарозе Р-11 мікрааўтобус Mercedes сутыкнуўся з возам, які рухаўся ў спадарожным напрамку. 54-гадовы мясцовы жыхар, які на ім ехаў, загінуў. З 8 пасажыраў, якія былі ў салоне маршруткі, 6 атрымалі траўмы, іх завезлі ў бальніцу.
Як паведамляе Следчы камітэт, у дачыненні 57-гадовага вадзіцеля маршруткі распачатая крымінальная справа, артыкул — "Парушэнне правілаў дарожнага руху, якое пацягнула па неасцярожнасці смерць чалавека".
Здарэнні з маршруткамі адбываюцца амаль штодня. Папярэдняе было ў Маладзечанскім раёне.
