Былы галоўны трэнер футбольнай зборнай Беларусі ўзначаліў кіеўскае “Дынама”
Былы галоўны трэнер футбольнай зборнай Беларусі Аляксандр Хацкевіч ўзначаліў кіеўскае “Дынама”. Як інфармуе прэс-служба ўкраінскага клуба, кантракт з беларускім спецыялістам разлічаны на два гады. У трэнерскі штаб таксама ўвайшлі Максім Шацкіх, Алег Лужны і Міхаіл Міхайлаў.
Хацкевічу 43 гады. Ён — вядомы ў мінулым беларускі футбаліст, гуляў за мінскае “Дынама”, пасля — за кіеўскіх дынамаўцаў. Кар’еру трэнера пачаў дзесяць гадоў таму. У 2014-2016 гадах быў галоўным трэнерам зборнай Беларусі па футболе. Хацкевіч лічыць, што кантракт з ім Беларуская федэрацыя футбола скасавала без паважнай прычыны і звярнуўся ў Спартыўны арбітражны суд Лазаны.
