Букмекеры змянілі меркаванне: цяпер ставяць на перамогу БАТЭ
Адразу пасля лёсавання плэй-оф у большасці букмекерскіх кантор шанцы “Партызана” на выхад у групавы этап ацэньваліся вышэй.
На дадзены момант самыя папулярныя букмекерскія канторы аддаюць перавагу беларускаму клубу. Каэфіцыенты на перамогу барысаўчан у хатняй сустрэчы ў канторы Olympbet роўны 2,2, на нічыю — 3,1, на перамогу сербскага клуба — 3,6.
Амаль ідэнтычныя стаўкі ў канторы BWIN: 2,25 — на перамогу БАТЭ, 3,25 — на нічыю і 3,1 — на перамогу “Партызана”.
William Hill: 2,3 — на перамогу барысаўчан, 3,0 — на нічыю, 3,4 — на перамогу клуба з Белграда.
Матч БАТЭ — “Партызан” пройдзе 18 жніўня на “Барысаў—Арэне”. Пачатак у 21.45.
