Брытанец з Кнігі рэкордаў Гінэса на 1 секунду патрапіў і ў Беларусь
Грэхем Х'юз ганарыцца тым, што наведаў 201 дзяржаву свету. Пры гэтым ні разу не скарыстаўся паслугамі авіякампаній.
Яго падарожжа працягвалася ад студзеня 2009-га да снежня 2012 года. За гэты час Грэхем Х'юз выкарыстаў чатыры замежныя пашпарты, атрымаў дзясяткі візаў.
Брытанец патрапіў у свежы выпуск Кнігі рэкордаў Гінэса. Ён кажа, што галоўнай мэтай яго Адысеі стала жаданне даказаць чалавецтву, што падарожжы — даступныя для многіх і галоўнае не наяўнасць грошай, а жадання.
Пра свае паездкі па свеце Грэхем Х'юз зрабіў чатыроххвілінны ролік, у ім кожнай краіне прысвечана 1 секунда. Беларусь — на 59-й секундзе.