"Браму Мінска" ледзь не змыла каціным напаўняльнікам
"Брама Мінска" — дамы па вуліцы Кірава
Мінулай ноччу жыхары дома №2 па вуліцы Кірава ў Мінску выклікалі аварыйную службу. Адзін з дамоў "Брамы Мінска" ледзь не затапіла каналізацыя.
Па стаяку труб нехта змыў каціны напаўняльнік. Трапіўшы ў каналізацыю, матэрыял ператварыўся ў шчыльную масу і намёртва забіў трубы. Гаворка ідзе пра бентанітавы напаўняльнік, які пры кантакце з вадой цвярдзее амаль як цэмент.
Каб не затапіла кватэры, уначы давялося адключаць камунікацыі і разбіраць нішу з трубамі. На ліквідацыю засору камунальнікам спатрэбілася некалькі гадзін.
