Брамнік “Белшыны” траўмаваны, ён страціў памяць (абноўлена, відэа)
Гэта здарылася ў часу матчу з наваполацкім “Нафтанам” у рамках 27 тура чэмпіянату Беларусі па футболу.
На 65 хвіліне гульні, якая прайшла сёння ў Наваполацку, галкіпер “Белшыны” Антон Кавалеўскі першым паспеў да мяча, калі ў яго дзвюма нагамі ўрэзаўся нападаючы “Нафтана” Ігар Крывабок. Форварда выдалілі з поля, а брамніка ў бессвядомым стане адвезлі ў лякарню на рэанімабілі, інфармуе football.by
Нягледзячы на такую страту, бабруйчане ўсё ж атрымалі перамогу ў гульні — 0:1.
Па словах галоўнага трэнера "Белшыны" Аляксанра Сяднёва, у лякарні траўмаваны галкіпер прыйшоў у прытомнасць, але нічога не памятае, нават свайго імені.