Больш за 4 тысячы фур стаяць на беларускай мяжы
Фура на мяжы / sb.by
На мяжы Беларусі з Еўразвязам чакаюць выезду больш за 4130 фур, паведамляе Дзяржпамежкамітэт.
На беларуска-польскай мяжы перад пунктам пропуску "Бераставіца" сабралася больш за 420 фур, "Казловічы" — больш за 400.
Выезду ў Літву перад пунктам пропуску "Відзы" чакаюць больш за 280 фур, "Катлоўка" — звыш 300, "Каменны Лог" — звыш 600 фур, "Беняконі" — больш за 700, "Прывалка" — звыш 500 фур.
На беларуска-латвійскай мяжы перад пунктам пропуску "Грыгароўшчына" стаіць больш за 470 вялікагрузаў, "Урбаны" — звыш 460 фур.
