Беларускай турыстцы стала кепска на Эльбрусе
Жанчына адчула сябе дрэнна на вышыні 3400 метраў.
Як паведамляе interfax.by, выратавальнікі Эльбрускага пошукава-выратавальнага атрада атрымалі паведамленне ў нядзелю ўвечары.
На дапамогу незарэгістраванай групе беларускіх турыстаў адправіліся 28 выратавальнікаў і 2 адзінкі тэхнікі. Жанчыну шчасліва спусцілі на базу.
Як выявілася, прычынай нямогласці была сардэчная недастатковасць. Але ад меддапамогі беларуска адмовілася.
Фота — alpfederation.ru
