Беларускія футбалісты адгукнуліся на аб'яву аб працаўладкаванні ва Украіне
Футбольны клуб украінскай вышэйшай лігі “Валынь” праз свой афіцыйны сайт запрашаў на прагляд прафесійных гульцоў да 25 гадоў.
Яны мусілі даслаць на электронную пошту свае дадзеныя. Як паведамляе сайт fcvolyn.net, з-за вялікай колькасці жадаючых патрапіць у каманду, набор футбалістаў быў спынены праз некалькі дзён. За гэты час заяўкі паспелі падаць некалькі сотняў (!) чалавек з Украіны, Беларусі, Расіі ды іншых краін.
Клуб абяцае, што разгледзіць пададзеныя заяўкі і выкліча на прагляд у Луцк найбольш перспектыўных футбалістаў.
