Вы тут

"Беларускі партызан": Юрыя Чыжа выпусцілі пад хатні арышт?

Сайт "Беларускі партызан" выказаў меркаванне, што вядомага бізнэсоўца Юрыя Чыжа выпусцілі з СІЗА КДБ пад хатні арышт. Пра гэта кажуць людзі, якія шмат гадоў адпрацавалі ў судовай сістэме.

Эксперты "Беларускага партызана" прыйшлі да такой высновы, прааналізаваўшы з'яўленне сведкаў на судзе былога саўладальніка "Трайпла" Уладзіміра Япрынцава і яго сына Казбека.

Напрыклад, былога начальніка юрыдычнага аддзела кампаніі Дзмітрыя Ярмака, арыштаванага разам з Чыжом, у залу пасяджэнняў ўвялі ў кайданках і пад канвоем. Такія правілы дзейнічаюць для арыштаваных.

Але Юрый Чыж у зале суда знаходзіўся без кайданкоў і не пад канвоем. У суд яго дастаўляюць не праз службовы двор, прызначаны для машын, якія прыязджаюць з ізалятара. Эксперты заяўляюць, што кіраўнік "Трайпла" прыходзіць на судовы працэс так, як з'яўляюцца людзі, якія знаходзяцца пад хатнім арыштам.

Варта адзначыць, што афіцыйных паведамленняў пра змену меры стрымання Юрыю Чыжу не было.

Бізнэсоўца затрымалі 11 сакавіка. Яго падазраюць ва ўхіленні ад выплаты падаткаў і збораў у асабліва буйным памеры.