Беларусак будуць правяраць на бясплоднасць
Эмбрыён, ілюстрацыйнае фота / pexels.com
Беларусак 18-39 гадоў пачнуць правяраць на бясплоднасць і ацэньваць запас яйцаклетак. Акцыя Мінздароўя прымеркаваная да Года жанчыны.
"Гэта дазволіць выявіць рызыкі бясплоднасці задоўга да клінічных праяваў. Маладым жанчынам будуць таксама адрасаваны розныя акцыі: "Будучая мама", "Здароўе шчытападобнай залозы"; для жанчын больш старэйшага ўзросту — мэтавыя скрынінгі раку малочнай залозы і астэапарозу", — падзяліўся падрабязнасцямі намеснік дырэктара па навуковай працы РНПЦ "Маці і дзіця" Іван Курловіч.
Курловіч нагадаў таксама пра перадабортнае кансультаванне ў паліклініках. З яго слоў, летась размовы пра аборты дапамаглі захаваць 4350 цяжарнасцяў у Беларусі.
