Беларуса, які год таму знік у Польшчы, знайшлі мёртвым
Улётка пра пошук Рамана Родзіна
40-гадовага жыхара Рэчыцы Рамана Родзіна, які год таму знік у Польшчы, знайшлі мёртвым. Пра гэта паведамляе пошукава-выратавальны атрад "Анёл".
У мінулым годзе Родзін з'ехаў у Польшчу на заробкі. У жніўні ён збіраўся вярнуцца дадому, але знік на выездзе з Варшавы.
Мужчына збіраўся сустрэцца з кіроўцам, які павінен быў везці яго ў Брэст, на стаянцы "МакДональдса" на выездзе з польскай сталіцы. Аднак перавозчык яго так і не дачакаўся. Асабістыя рэчы зніклага крыху пазней знайшлі і даставілі ў консульства Беларусі ў Беластоку.
Выказваем спачуванні сваякам Рамана.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
