Беларус Сяргей Алейнікаў будзе трэніраваць літоўскі футбольны клуб
На пасаду галоўнага трэнера "Дайнавы" з Алітуса яго запрасіў новы ўладальнік клуба італьянец Джузэпэ Грэка.
Як паведамляе "Прессбол", у мінулым сезоне "Дайнава" заняла восьмае месца ў чэмпіянаце Літвы. Сёлета першынство стартуе 8 сакавіка.
Сяргею Алейнікаву 52 гады. Ён — адзін з найлепшых беларускіх футбалістаў у ХХ стагоддзі. У 1981-1989 гадах выступаў за мінскае "Дынама", стаў чэмпіёнам СССР 1982 года. Паспяхова гуляў за зборную Савецкага Саюза. З 1989-га выступаў за італьянскія клубы, у тым ліку за "Ювентус". Пасля працаваў футбольным трэнерам, жыве ў Італіі.
Фота — Прессбол
