Беларусь — першая па інфляцыі сярод краін былога СССР
За студзень-жнівень спажывецкія кошты ў нашай краіне ўзраслі на 8,2%.
Другое месца ў гэтым рэйтынгу — у Расіі (4,5%), трэцяе — у Арменіі (3,5%). Далей ідуць Казахстан (3,1%), Таджыкістан і Эстонія (па 2,5%), Кыргызстан і Малдова (па 1,1%), Азербайджан (0,2%) і Літва (0,1%).
У іншых краінах былога СССР кошты наадварот зніжаліся. У Латвіі і ва Украіне — на 0,6%, у Грузіі — на 0,9% і ў Туркменістане — 1,7% (звесткі за першае паўгоддзе). Няма звестак па Узбекістане. У самаабвешчанай Прыднястроўскай Малдаўскай Рэспубліцы кошты ў студзені-жніўні падвысіліся на 1,5%, інфармуе БелаПАН.
У 2011 і ў 2012 годзе Беларусь таксама была лідарам па інфляцыі ў гэтай групе краін.
