Беларус падарваўся на гранаце на расійскім прадпрыемстве
Здарэнне адбылося ў сераду, 4 верасня, у Сергіева-Пасадскім раёне Маскоўскай вобласці.
На тэрыторыі прадпрыемства “РАДОН” адбыўся выбух, у выніку якога пацярпеў грамадзянін Беларусі. Як паведамляюць мясцовыя СМІ, паводле папярэдняй інфармацыі невядомыя пранеслі на тэрыторыю прадпрыемства гранату. Адзін з працаўнікоў яе знайшоў і ўзяў у рукі, падчас агляду граната выбухнула. Мужчына атрымаў раненне рукі. Пацярпелага тэрмінова шпіталізавалі.
На месцы здарэння працуе аператыўная група. Праваахоўным органам неабходна будзе высветліць, хто і навошта пранёс гранату на тэрыторыю прадпрыемства.
Адзначым, што “РАДОН” спецыялізуецца на абыходжанні з радыеактыўнымі адыходамі.
Фота — ovesti.ru
