БДУ скарачае міжнароднікаў, а тэхнічны ўніверсітэт — архітэктараў

Міністэрства адукацыі зацвердзіла лічбы прыёму на сёлетнюю ўступную кампанію. Параўноўваем, каго на бясплатнае возьмуць больш, каго менш. Глядзім факультэты з найбольш значнымі зменамі.

Беларускі дзяржаўны ўніверсітэт

Агулам у БДУ сёлета возьмуць на бюджэт 2024 чалавек. БДУ на гэтую ўступную кампанію рыхтуе некалькі новых спецыяльнасцяў: “дызайн касцюма і тканіны”, “дзяржаўнае кіраванне і права” і “геаінфармацыйныя сістэмы”.

Педагагічны ўніверсітэт імя Максіма Танка

БДПУ сёлета аб’яднаў фізічны і матэматычны факультэт, менавіта на гэтых факультэтах ва ўніверсітэце ўжо некалькі гадоў недабор. На фізіка-матэматычны сёлета хочуць набраць 105 чалавек на бюджэт. Летась на два гэтыя факультэта набіралі агулам па 100 чалавек.

Беларускі нацыянальны тэхнічны ўніверсітэт

Відаць, тэхнічны ўніверсітэт адрэагаваў на крызіс у эканоміцы, па будаўнічых і прамысловых напрамках набор нязначна, але скарачаецца.

Магілёўскі ўніверсітэт імя Куляшова

У Магілёўскім універсітэце імя Куляшова новых спецыяльнасцяў уводзіць не збіраюцца. Фізікаў і матэматыкаў таксама не скарачаюць, хоць летась будучых фізікаў-інфарматыкаў набралі толькі на дадатковым наборы, з меншым балам па тэставанні.

Эканамічны ўніверсітэт

У плане набору з мінулага года нічога не змянілася. Закрыццё “Дэльта-банка” і крызіс у эканоміцы, відаць, не адбіліся на наборы на бюджэт. Не змяніўся набор і ў Акадэміі МУС. На следча-экспертны факультэт возьмуць 90 чалавек, як і летась, на факультэт міліцыі — 268.

У мінулым годзе на цэнтралізаванае тэставанне зарэгістраваліся 105 тысяч абітурыентаў, з іх сталі студэнтамі 63 тысячы чалавек, паведамляе Белстат.

Фота: kp.by

Лічбы прыёму: сайты ўніверсітэтаў і abiturient.by