БАТЭ ўпусціў магчымасць абагнаць мінскае "Дынама" (відэа)
У стартавым матчы 17-га тура футбольнага чэмпіянату Беларусі барысаўчане на сваім полі згулялі ўнічыю 1:1 з жодзінскім "Тарпеда-БелАЗ".
Сяргей Крывец на 34-й хвіліне з пенальці адкрыў лік, а на 55-й Арцём Канцавы забіў гол у адказ. Дарэчы, у Крыўца, як і ў Радзівонава, Януша і Макася, цяпер 7 забітых галоў у першынстве.
У выніку, у дынамаўцаў і ў БАТЭ стала па 38 ачкоў, але ў сталічнай каманды ёсць гульня ў запасе.
У пятніцу пройдзе яшчэ адзін матч. Салігорскі "Шахцёр" прымае гродзенскі "Нёман", пачатак а 20-й гадзіне.
