Банк БелВЭБ застаўся без мабільнай праграмы
З крамаў праграм AppStore і PlayStore выдаленая мабільная праграма банка БелВЭБ, паведамляе прэс-служба банка.
Ужо ўсталяваныя праграмы пакуль працягваюць дзейнічаць, таму банк просіць карыстальнікаў не выдаляць іх.
Праграма знікла з PlayStore яшчэ 1 сакавіка.
Спецыялісты банка заяўляюць, што працуюць над варыянтамі аднаўлення магчымасці спампаваць праграму для платформы iOS.
Банк БелВЭБ трапіў пад амерыканскія санкцыі як адна з замежных "дачок" расійскага ВЭБ. Санкцыі былі ўведзеныя пасля таго, як Расія прызнала атк званыя "ЛНР" і "ДНР".
