Баевікі на Данбасе працягваюць абстрэльваць украінскіх вайскоўцаў
13 верасня раніцай быў абстраляны з мінамётаў блокпост у Дэбальцаве і аэрадром Данецка.
Пра гэта паведамляе УНІАН са спасылкай на прэс-цэнтр АТА. “Тэрарысты правакуюць сілы АТА на агонь у адказ. Пасля чаго пачынаюць масіраваны абстрэл пазіцый нашых войскаў. Тым часам бандфармаванні вядуць прапаганду, што першымі пачынаюць абстрэл украінскія войскі”, — гаворыцца ў паведамленні.
Таксама паведамляецца, што вайскоўцы сіл АТА адкрываюць агонь у адказ толькі для абароны, пры яўным нападзенні на пазіцыі і блокпасты. Афіцыйна пацверджаныя страты сепаратыстаў за мінулыя суткі складаюць: тры танкі і 12 чалавек.