Мінскі манастыр атрымаў грамату ад акупацыйнай адміністрацыі "ДНР"
!["Дапамога Данбасу" ў ДНР](/sites/default/files/styles/gallery_main/public/2023-09/gavrilov1709.jpg.webp?itok=4A7rU4rG)
"Дапамога Данбасу" ў ДНР / Калаж Еўрарадыё
Кіраўнік ініцыятыўнай групы "Дапамога Данбасу" пры Свята-Елісавецінскім манастыры атрымаў грамату ад акупацыйнай адміністрацыі "Данецкай Народнай Рэспублікі". Мікалай Гаўрылаў размясціў у сваім тэлеграм-канале фота, дзе "кіраўнік" Марыупаля ўзнагароджвае яго падзякай за подпісам кіраўніка так званай "ДНР" Дзяніса Пушыліна.
У жніўні валанцёры Гаўрылава прывезлі прадуктовыя наборы, свечкі, медыкаменты і ваду ў вёсках каля Аўдзееўкі, а таксама ў гарады Крамянная, Папасная, Горлаўка. Усе гэтыя тэрыторыі сёння кантралююцца Расіяй.
Манахіні Свята-Елісавецінскага манастыра вядомыя падтрымкай расійскай агрэсіі ва Украіне. Яны рэгулярна збіраюць грошы на патрэбы расейскага войска.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.