Аляксей Маёраў з "Рэала" хацеў бы згуляць за зборную Беларусі
Аляксей Маёраў / калаж Улада Рубанава, Еўрарадыё
12-гадовы Аляксей Маёраў з мадрыдскага "Рэала" хацеў бы згуляць за зборную Беларусі. Пра даўняе жаданне сына ў эфіры тэлеканала "Беларусь 1" распавяла маці юнага футбаліста Кацярына Кісцень. Яна прызналася, што і яна гэтага хацела б.
"Ён заўсёды казаў, што хацеў бы згуляць за зборную Беларусі. У яго такая мара была заўсёды", — сказала Кісцень.
Пра тое, што Маёраў падпісаў кантракт з "Рэалам", стала вядома ў канцы лета. Дагэтуль у гэтым славутым клубе беларусаў не было. Хлопчык жыве ў Іспаніі, у яго ёсць партнёрскі кантракт з Adidas.
Таленавіты футбаліст звярнуў на сябе ўвагу каля пяці гадоў таму, калі яшчэ трэніраваўся ў футбольнай акадэміі мінскага "Дынама". Яго дзед — футбаліст-дынамавец Аляксандр Кісцень.
