У Гродне ўсталявалі апараты са "здаровым" кормам для качак
![Качкі на пляжы ў Гродне](/sites/default/files/styles/gallery_main/public/2024-09/utki_01.jpg.webp?itok=d85iizMq)
Качкі на пляжы ў Гродне / vgr.by
У Гродне на беразе вадаёмаў пачалі ўсталёўваць апараты з кормам для качак. Пра гэта піша "Вечерний Гродно". Гэта ідэі мясцовых прадпрымальнікаў. Адзін з іх расказаў журналістам, што яго дзіця любіць карміць птушак. І кожны раз, калі ішлі да вадаёма, трэба было не забыцца падрыхтавацца: "набыць спецыяльны корм або зрабіць яго самому, а на гэта не заўсёды быў час", распавядае мужчына. У выніку ў яго нарадзілася бізнэс-ідэя, з якой ён прыйшоў да гарадскіх уладаў. Тыя ідэю ўхвалілі. Ужо ўсталявалі два апараты. "Мяркуючы па колькасці птушак паблізу апарата, можна сказаць, што гараджане актыўна ім карыстаюцца", — адзначае выданне.
Порцыя корму каштуе 1 рубель 30 капеек. Расплаціцца можна карткай. Прадпрымальнікі кажуць, што ў летнія месяцы за дзень у адным з апаратаў прадавалася да 40 порцый корму. Прыбытку ў іх пакуль няма. Тым не менш абмяркоўваецца ідэя ўсталяваць яшчэ пяць такіх кармушак — месцы для іх ужо вызначаны.
![В Гродно установили аппараты со "здоровым" кормом для уток](/sites/default/files/styles/default_image_paragraph/public/paragraphs/image/utki_02.jpg.webp?itok=vRJqprz0)
![В Гродно установили аппараты со "здоровым" кормом для уток](/sites/default/files/styles/default_image_paragraph/public/paragraphs/image/utki_05.jpg.webp?itok=1GmU7NTT)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.