Бабруйскія чыноўнікі бралі хабар, у кабінеце аднаго з іх знайшлі грошы

Крымінальную справу па артыкуле "атрыманне хабару па папярэдняй змове" распачалі супраць некалькіх чыноўнікаў Бабруйскага гарадскога выканаўчага камітэта. Паводле матэрыялаў, якія сабралі УКДБ па Магілёўскай вобласці і аддзел па барацьбе з эканамічнымі злачынствамі УУС Бабруйскага гарвыканкама, злачынства адбылося ў перыяд з кастрычніка 2013-га да лістапада 2014 года.

Службовыя асобы атрымлівалі грашовыя ўзнагароджанні за станоўчае вырашэнне пытання аб непрыцягненні дырэктара аднаго з прыватных прадпрыемстваў да адміністрацыйнай адказнасці. Яго вінавацілі ў парушэнні заканадаўства аб гандлю. Такім чынам, падазраваныя атрымалі 2400 долараў ЗША.

У рабочым кабінеце аднаго з чыноўнікаў правялі ператрус, знайшлі і забралі грошы, дакументы, нататнікі. Прызначаныя экспертызы.

Прэс-служба Следчага камітэта адзначае, што падазраваныя знаходзяцца пад вартай. Колькі іх, не паведамляецца.

Фота — Fotolia